第一集 (第1/1页)

    有人问我：“谁是谁的后备

    我哑言：“后备·····还是正选，已经不再重要了！爱，就爱了”

    “两人分手后多年，在一个城市不期而遇。

    男：“你好吗？”

    女：“好。”

    男：“他好吗？”

    女：“好。”

    女的问：“你好吗？”

    男的回答：“好。”

    女：“她好吗？”

    男：“她刚告诉我她很好。”

    -----这是我最喜欢的爱情故事。

    接下来讲这个故事呢，多多少少跟我有点关系的！所谓三分真实七分虚。既然在前面我就已经说过，这个故事，我希望用我家乡话（广东话）把它讲完！那么我就尝试一下咯！

    其实我嘅蒲龄根本都唔算长，比起好多蒲场大佬唻讲。我只不过系小朋友嚟噶啫。大学毕业之后到而家，大概系蒲咗4年喇。读书果阵时去蒲，果D就应该唔算了啩，果D小儿科嚟噶啫！

    真正做大事有得着嘅，肯定系做嘢之后啦。

    不过而家嘅我，已经都冇乜心力再去蒲了。因为4年时间我睇清咗蒲场嘅好多嘢：人同事！

    而家D人越来越识得点去*,但系就越唻越唔识点去爱。正如我自己都系一样！有时我连自己都信唔过我自己！呢一分钟我揽住一个女人,我好SURE我爱紧佢。但系下一分钟。我就已经对佢冇晒Feel喇。我都唔知道点解我自己可以咁奇怪,所以我唔想对任何女人作出承诺。因为我连我自己都信唔过我自己！自从金鼠呢个情场老手都赖过嘢之后。我哋对于男女之间嘅关系有咗新嘅睇法。

    好啦，讲下我呢个十几年嘅兄弟金鼠。

    佢自从同澳门翻咗唻佛山发展之后，就入咗间电信公司发展！一直都做得好好，甚至而家已经系直接做咗佛山地区嘅管理层。只有香港果边先可以郁到佢。所以佢已经有能力买楼。佢买咗层而家市值80~90W嘅楼。仲有一个固定嘅女朋友：IVY！佢同IVY一齐都成2年几了。而且都准备结婚。所以层楼就加咗IVY个名落去。但系果个女人其实一分钱都冇出过。

    我当时都同条友讲过，婚都未结，你条友就写埋个女人个名了。你唔怕出事啊

    当然感情系麻木嘅。呢个愚蠢嘅决定佢依然做咗。供楼后大概半年,佢同IVY分手。然后IVY要求佢比14W先肯转翻个名出唻。

    你话条女系咪冇脑噶。都痴线嘅！分手要人攞分手费，仲大凛凛14W添!

    结果后来又倾咗一排，最低7W蚊，冇得再减！

    我见到金鼠好失望好落魄嘅样！

    我当时真系好LEN讨厌女人。个个女人净系识得话呢个世界冇个好男人!但是坏男人何尝唔系女人将佢变成咁嘅咩最可恨嘅系：我将金鼠嘅故事，分别以开玩笑咁嘅方式讲咗比几个女人听。佢哋居然都一致认同IVY嘅做法！所以话我更加肯定咗一样嘢喇：贪婪同虚荣系女人嘅天性！因为女人天生缺乏安全感！所以希望用金钱唻填补佢哋缺失嘅空虚。起码我可以大胆讲句：10个男人都唔会有超过3个男人会咁做！果D会分手要翻锭褒费嘅男人吾系话冇，不过寥寥无几咯!