第二季 (第1/1页)

    2

    所以过咗大概一个月到。

    我就同佢讲：SORRY！可能我真系唔系一个值得你去爱嘅男人。你去搵你嘅幸福啦！如果可以嘅话，我可以同你做翻Friend！结果我就成功甩身。然后我哋就做咗存在暧昧关系嘅所谓F了。做F好过做人男朋友！做人男朋友嘅话，会好CARE个女朋友有第个男人！而做人暧昧关系嘅所谓F嘅话！

    除咗唔需要担心个女人有外情之外，仲可以时不时打吓友谊波添！呢个就系我想要嘅关系！

    依然有我嘅好兄弟金鼠，杰佬。仲有我几个同事烂仔力，闪电，同水怪。介绍下D新人物先：烂仔力只所以叫烂仔力，系因为佢够烂。成个出唻行咁。瘦瘦地，但系就狼夹凶果只。而且条閪佬极度咸湿！同我中意嘅类型同佢有DD唔同！佢中意D成熟诱惑型嘅女人。但系同我有个共同点都系中意大波。

    闪电：顾名思义就系快。佢无论系讲嘢同做嘢都非常快！快到你未反应到过唻佢已经讲完晒佢要讲嘅嘢喇。搞到我哋成日都要叫佢讲慢D，慢慢唻，咪心急！我哋都曾经谣传佢其实连搞野都好快所以我地都帮佢起咗个名叫快枪手！因为形容佢就系得一个字：快!

    而水怪系一个悲情怕丑仔，见到女仔会唔识讲野果只，所以成25岁人了，都未真真正正咁拍过一次拖。不过同咗我地一齐玩之后，佢开始变到大胆咗了。但系都依然系属于悲情怕丑乖乖仔嘅类型。

    我地6条扑街仔今晚出动去老兰。约埋KK，叫佢带班姐妹出唻。

    冇女？去蒲离做咩啊系咪咁讲先KK已经可以算系我地班F了。一齐识左2年一齐玩左2年。但是就从来冇同我地任何一个发生关系。2年了居然都冇人想去戒佢。我都觉得好捻奇怪！其实KK都算系一条几索下，摆得落口嘅女吖！点解会甘呢？好多次我地一人夹一件上车嘅时候，我都问距。

    “喂，KK你掂唔掂啊？使唔使送你翻去先啊？”

    佢每次都答我。“唔使了，你地今晚甘多野要做。”就算我地其他人话想送距翻屋企，距都依然会拒绝。所以久而久之。我地就唔问了，当左距系兄弟甘看待，亦都分享我地男人既秘密。

    今晚照旧系KK带D姐妹出唻玩，D女未到。我地几条麻ゥ甩仔P住先。